الغزالة رايقة ...."ورزق الهبل علي المجانين"... مقال بقلم ياسر عامر
الغزالة رايقة ...."ورزق الهبل علي المجانين"... مقال بقلم ياسر عامر

الغزالة رايقة ….”ورزق الهبل علي المجانين”… مقال بقلم ياسر عامر

مقال بقلمي ياسر عامر

اغنية “الغزالة رايقة … ما الناس حلوة سايقة” إحدى الاغنيات اللي فرقعت اكتر من اللبانة علي رأي الاعلان … الاغنية من فيلم  ” من أجل زيزو” بطولة كريم محمود عبد العزيز، وغناها بصوته مع الطفل محمد اسامة والاغنية دي للاسف حققت اكثر من 50 مليون مشاهدة تخيلوا ؟ ويا للعجب رغم ان الاغنية كلمات تافهة وغير مفهومة الا ان الغزالة رايقة تعبيرا عن روقان البال، وان الناس الحلوة سايقة ولا ادري هل الغزالة رايقة عشان الناس الحلوة اللي سايقة .. ولا أدري معنى السواقة هل هي السيارة مثلا ولا الميكروباص لانها تناسب الميكروباصات أكثر والناس الحلوة دي شكلاً وموضوعا ولا شكلاً بس، هل ده نوع من الغزل السفيف مثلا بديلاً عن الغزل العفيف والعنيف؟

 لست ادري الغريب ان الاغنية دي حققت كم المشاهدات الضخم ده وركبت التريند وأصبحت نغمات موبايل بنسمعها في الشارع والمحلات وكمان لما بتدخل تصلي في المسجد تخيلوا واحد داخل يصلي وعامل نغمة الغزالة رايقة؟

وأنا هنا أسجل امنياتي ان الغزالة عند الشعب تروق علي طول واتمنى من كل قلبي ان اللي سايق تكون الناس الحلوة دايما أصل السواقة فن وجمال برضة.

وإذا كانت كلمات الأغنية تقول ….

ليل يا ليل يا ليل ليلي ليلي يا ليل
الغزالة رايقة ما الناس الحلوة سايقة
يا سيدي يا جماله مالة ضغط كتير علية
ما تقرب مني حبة لا لسه شوية حبة طب
وحياة المحبة ما دام جيت جنبي خلاص خليك

الطبلة دي لا ده قلبي
الطبلة دي لا ده قلبي
بيدق ورا المقسوم

الدلع ليه ناسه متأسسين بأساسة
وحبيبي دة من ساسة لراسة متشرب حنان
ده رمش عينة لوحدة مديلة يا ناس مساحته
مش واخد لسة راحته ولا حقه في المكان

الطبلة دي لا ده قلبي
الطبلة دي لا ده قلبي
بيدق ورا المقسوم

الغزالة رايقة ما الناس الحلوة سابقة
يا سيدي يا جمالة مالة ضغط كتير علية
ما تقرب مني حبة لا لسه شوية حبة طب
وحياة المحبة ما دام جيت جنبي خلاص خليك

أما أغنيتي التي الفتها في دقائق معدودة وعارف انها عمرها ما هتكون تريند لكنها تعبر عن ان الغزالة يا عيني مش رايقة خالص بالعكس فهي كالاتي :

جيلي جيلي جيلي يا جيلي

البت زي زي الهبلة وامها سنية الخايبة

يا سيدي يا حياتي انا السكر علي عليه

ما تاخد انسولين و تاكل حبة حبة

فين الصحبة الحلوة ما دمت تعبت ربنا يشفيك

الدقة  دي لا دي خيبتي

الدقة دي لا دي خيبتي

بتزيد مع الهموم

 الهم له ناسه غرقانين  من أساسه

وقلبي من ساسه لراسه كبر ومحتاج حنان

ده وش أمة لوحده مبين يا ناس حكايته

مش ساكت زي عادته وحقه اكله كمان

الدقة  دي لا دي خيبتي

الدقة دي لا دي خيبتي

بتزيد مع الهموم

البت زي زي الهبلة وامها سنية الخايبة

يا سيدي يا حياتي انا السكر علي عليه

ما تاخد انسولين وتاكل حبة حبة

فين الصحبة الحلوة ما دمت تعبت ربنا يشفيك

بزمتكوا انه يعبر عن حالنا اكتر … ارزاق.

رأيك يهمنا

عن ياسر عامر

Avatar

شاهد أيضاً

الطريق إلى طابا للواء دكتور سمير فرج

رأيك يهمنا

اترك تعليقاً

لن يتم نشر عنوان بريدك الإلكتروني.