محلب

إستغلال المواطنين بإسم الحكومة

كتب اشرف عبد الحميد
شكوى المواطن اسماعيل سليم من كافتريا محطة اتوبيس غرب الدلتا بالاسكندرية جاء فيها
انا كنت مسافر اول امبارح وروحت الموقف الجديد وقعدت على الكاڤيتريا اللى قدام مكتب حجز غرب الدلتا اللى واخدة الرصيف كله طلبت قهوة والمدام طلبت نسكافيه وبنتى طلبت كاكاو وقبل ميعاد الاتوبيس ب عشر دقايق قمت ادفع الحساب اللى جاب الطلبات قاللى كل طلب ب ٢٥ جنيه وازازة المياه ١٥ يبقى كله ٩٠ جنيه حضرتك قولتله يا عم بلاش هزار قاللى هى دى الاسعار اللى محدداها المحافظة قولتله طيب فين قايمة الاسعار قاللى مفيش قولتله يبقى انا مش دافع راح جابلى صاحب الكاڤيتريا قصير وتخين شوية قاللى خير يا خويا وجابلى بقه عند قفاه قلتله الطلبات دى آخرها ٢٥ جنيه قاللى ما كل الناس بتدفع وهى ساكتة انت اللى مفتح يعنى خلصنا بقى عشان لسة مااصطبحناش قولتله خلاص تعالى معايا نقطة الشرطة اللى فى الموقف ولو قالولى الاسعار دي مظبوطة ادفعلك راح ضاحك وقاللى كلهم حبايبى ومحدش حيعبرك قلتله مش حدفع المبلغ العبيط ده الناس اتلمت وحكمو ان خمسين جنيه كويس وكان خلاص الاتوبيس حيطلع فرميتله الفلوس ومشيت. السؤال بقه هو الموضوع سرقة وخطف وبلطجة واستغلال ولا ايه وفين المحافظة اللى بتأجرلهم وفين شرطة الموقف اللى ما بتخوفهومش وفين الضراءب اللى ما تعرفش حاجة عن الناس دى رجاءا انشروها عشان اللصوص دى ما تستغلش حد تانى وتتبلطج عليه وتسرق فلوسه وتستغل انه مسافر وحيضطر يدفع عشان يلحق الاتوبيس

رأيك يهمنا

عن admin

admin
المشرف العام على موقع العالم الحر

شاهد أيضاً

بدء برنامج التدريب الميداني لعام 2022 – 2023 لمنطقة الآثار الأسلامية و القبطية بسوهاج

رأيك يهمنا